Gönülde bin gamum vardur ki pinhân eylemek olmaz
Bu hem bir gam ki il ta’nından efgân eylemek olmaz
Ne müşkil derd olursa bulınur âlemde dermânı
Ne müşkil derd imiş işkun ki dermân eylemek olmaz
Fenâ mülkine çok azm itme ey cân çekme zahmet kim
Bu tedbîrile def’-i derd-i hicrân eylemek olmaz
Sakın gönlüm yıkarsın pendden dem urma ey nâsıh
Hevâ-yı nefs ile bir mülki vîrân eylemek olmaz
Dehânun üzre la’lün istemiş dil def’i müşkildür
Görinmez hîç cürmi yok yire kan eylemek olmaz
Du’âlar eylerüm benden yana bir dem güzâr itmez
Ne çâre sihr ile servi hırâmân eylemek olmaz
Fuzûlî âlem-i kayd içre sen dem urma ışkından
Kemâl-i cehl ile da’vâ-yı irfân eylemek olmaz
Fuzûlî
